Mohammed Iprahim قالو إن في يوم ميلادي كان سعيد.. معقوله جاله الواد…

27

قالو إن في يوم ميلادي كان سعيد.. معقوله جاله الواد…
فرحه طالعه م الوريد…بحضن تاه وياه ساعات…
كان يلف بيا في الموالد..إيده حاضنه وضهري ساند…
كان يخدني معاه في صغري..أمشي أجري بيراقبني…
ويعاتبني لما بتاخر سعات..
أصله واخد ع الضوابط…والإحترام..
كنت رافض منه حتي الإلتزام…كانت رافض ده حلا وده حرام..
كانت عايز أكبر بس أعيش..كان يقولي الدنيا ياإبني ماتسويش…
زي مابتاخد بتدي…وأنت لسه العمر بدري…
عايزك تكون قد المسؤليه…لما الزمن يحني ضهري…. والسنين تيجي عليا..
مرت سنين وأنا بين صحابي…عمر الخوف ما خبط لي بابي…
بس إنهارده خبط عليا بإنكسار….معقوله يابا الضهر مال…
وسندك عصايه…
بص ياإبني في المرايا…شوف قساوة السنين لما عدت…
في لحظه كانت… بسرعه مرت..
والشعر الأبيض لما بان….جي يقولي الصحه عادت مش تمام..
والأطبا قالوا مفيش خروج…
والسلالم للشباب…وأنت عارف ياإبني معنى الشعر شاب…
والسنين غيرت ملامحي…كنت لونك بقي لوني قمحي…
والعمود اللي شايلني…. مني إنحني …مش هيجاملني….
والنظر عاد ضعيف…دوره ميل… بقى يختفي …. لما تليل…
جيت أقولك بإختصار…… دوري إنتهى….
عيزك تكون قد المسؤلية…إوعى تكون قاسي على إخواتك… أو عليا….
ولما تحس ضعفي…إفتكر ياما شلتك…
وإما تتقل خطوتي …إفتكر وأنت بتحبي …قلبي ساندك…
والطيابا والسعادة اللي شفتها….لما قولت بابا…
والموالد والمعابد…والحب اللي ف قلبي شارد…
والسنين اللي ف ملامحي….عن حملي شاهد…مش هتمحي…
وإفتكر إن إنت مني…ولسه شايف…..فيك ملامحي…
…..✏ محمد ابراهيم…..

 61 total views,  1 views today

اترك تعليق

يرجي التسجيل لترك تعليقك

شكرا للتعليق