Mohammed Iprahim أنا الضحكة بتنهيدة كأني سكوت

20

وأنا الفعل اللي مش ماضي وراضي يفوت
كأن الضحكه ممنوعه بعلو الصوت
وبضحك بصوت عالي يموت الصوت
*******
أنا الدمعه اللي مجروحه في عز اليأس
وأنا الميت ومش ميت وعايش أمس
أنا الباحث عن الإبرة في كومة قش
وأنا الظالم وأنا المظلوم وفيا إتغش
********
أنا الرافض لكل ما فيا بدون تركيز
وبضحك مغمي عنيا بحبة غيظ
أنا العادي ومش عادي كأني سكون
وبتلون لما بزعل بخمسين لون
*******
أنا الفرحه اللي ف عنيا وسبقاني
ورسمه الدمعه والبسمه لسجاني
كأني بعيش جوه دور تاني
وبتحول لما تضحك كل أحزاني
********
أنا الإنسان بكل ما فيا من تشتيت
بعافر جوه دنيا بمليون حيط.
آمنت بكل ما فيها وكنت صريح
مع إن اللى باقي منها يدوب تجريح

 51 total views,  3 views today

اترك تعليق

يرجي التسجيل لترك تعليقك

شكرا للتعليق