Mohammed Ibrahim Enany ياسكنه روحي… وطعم الحب فيكي ممرر…

22

يا مدوبه اللي بنا ملح…نسيتي ليه السكر…
يا حته منى باقيه… ليه اللي بنا إتعكر…
ليه تسكنيني بقلبك…. وتموتيني أكتر…
ياللي صوتك… بس يعلا ع الغلابه…
وضحكة مايعه… للى فيكي إتكبر…
وطبطبي على ضهر..عمره ما إنحنالك…
وبترسمي الضحكه… للي وشه مكشر…
عيزاني ليه لما أرسمك…أرسم خطايا مكسر…
دا أنا اللي منك…ومن ترابك…وأنا ال ليكي مقدر…
وأنا الضحكه اللي بقيالك…أنا الطفل ال عمره ما يكبر…
وأنا القوه اللي في ميدانك….أنا الشمع اللي ليكي منور…
أنا الجرح اللي لا يألمك…لو فيه ضلوعي… كل يوم تتكسر…
نفسي يوم لما أرسمك..أرسم خطايا معطر…
أرسم آمالك بإبتسامتك…لما حلمك يكبر…
عاشق ترابك ضحكتك…. ولا يوم عليكي أتأخر…

 53 total views,  1 views today

اترك تعليق

يرجي التسجيل لترك تعليقك

شكرا للتعليق