Med Zerouani الصنارة و البحر

29

**************
اظياق بيا الامر
و مشيت للبحر
لحت الصنارة
ودخلني الصبر
عيني تبعات الخيط
والگلب اهضر
طاحو دموعي حجر
گال كلام ما كان
ف البال ولخاطر
سولني على همي لموضر
كان مورادو يفهم
فكرت ف الحال
سرت نقلب عل الحل
جاوبت ف السر
ايييه يا گلبي الهم فيا اكبر
خليني غير ف لبحر
لا تفكرني ف داك الهم
خليني ما باغي نعود نخمم
خلي العين امقابلة لحوت ف لبحر
الذات همها بالقناطر
انا لي كنت ناسي لغبن
عدت نتفكر احوال هاد لعمر
ليام علات عادت اجبل
كنت افحل او درت راسي ف لوحل
اينا طريق يا گلبي غا تشد بر ولا بحر

 64 total views,  1 views today

اترك تعليق

يرجي التسجيل لترك تعليقك

شكرا للتعليق