Ibrahim Adam إبن أمى وأبويا

59

أخويا إبن أمى وأبويا
عشنا سنين وسنين
يملانا الحب والحنين
على بعض م الهوا خايفين
طبليه تجمعنا ولقمه تشبعنا وتكفينا
وصدر أمنا يضمنا يدفينا
وبسمه حلوه تفرحنا تهنينا
ولو غلطنا عصايا تعلمنا وتربينا
ليه تخلى الدنيا تلعب علينا
تلف وتدور بينا تجيبنا وتودينا
ياما قسمنا اللقمه سوا
وقعدنا ف العصريه ساعات
وأيام هنيه مع أمنا وأبونا
يفهمنا يعلمنا ويربينا
وهدمه واحده تسترنا وتغطينا
ليه تخلى الشيطان يضحك علينا
ده دم واحد بيجرى ف عروقنا
وقلب واحد شافنا ودعا لينا
ليه تخلى ربنا يغضب علينا
دى الدنيا مهما طالت
حلوه مره فى يوم هاتيجى علينا
هاتبعنا وفى التراب تفنينا
أخويا إبن أمى وأبويا
دا ربك قال
يوم يفر المرء من أخيه وأمه وأبيه
وصاحبته وبنيه
لكل إمرئِ منهم يومئذِ
شأن يغنيه
بلاش الدنيا تضحك علينا

 124 total views,  1 views today

اترك تعليق

يرجي التسجيل لترك تعليقك

شكرا للتعليق