Gamal Ahmed يكتب يا غربة ثمنك بقا غالى

139

يا غربة ثمنك بقا غالى
يا سرقة سنينى وليالى
يا طردانى عن احبابى
وسقيانى لهيب مرك
*******
بشوف فيكى إل يضنينى
بلقمه عيش بتشقينى
وبتحمل على عينى
وقول بكرة هتتعدل
*******
وعامل ناس ماتسواشى
وأقرب منها لمواشى
الغدر فى طبعهم ماشى
وقله أصلهم غالبه
*******
وقال فيه ناس بتحسدنى
متعرفش ان الثمن سجنى
وهمى ودمعى ما بيسيبنى
ومش لاقى لدائى طبيب
********
غريب و الغربه زى النار
وسايبه فى حشايا مرار
ومها ادارى من الأسرار
بتفضحنى دموع عينى
********
ولو سأل الزمان عنى
قولوا الحب راح منى
و قلبى يوماتى يألمنى
ومستنى حبيب يدويه
********
وهى رحله ودينى بمشيها
تشوط فيا واشوط فيها
بيوم مر ويوم جرح بعديها
وده حالى وحال كل متغرب

جمال أحمد

 231 total views,  1 views today

اترك تعليق

يرجي التسجيل لترك تعليقك

شكرا للتعليق