Gamal Ahmed اخيه عليه فيروس كرونا

70

خرب بلاد.. هدد عباد
هد اقتصاد ..بين يوم وليله
ده رساله من ربى اليكم
يا عالم اصحوا ماتناموش
لو افتكرته الدنيا ليكم
يبقا انتوا مبتفهموش
الكون ده ليه رب وحاميه
وبحر علومكم ده فاشوش
أمريكا وروسيا واسرائيل
بيتسابقوا فى صنع الافات
مره سلاح ضمائر وشامل
ومره فى تطوير فيروسات
واحنا زى مانت شايف
ضحيه بين دولا ودولا
اخيه عليه فيروس كرونا
رخص غوالى وغلى الرخيص
خلى الكمامة وحبه مطهر
سلع اللى خايف والحريص
قفلوا بيت الله فى مكه
ودور عباده بالبوليس
ومسجد نبينا المصطفى
مين يقول يصبح حبيس
وبتعمل الشياطين عمايل
خلوا ابليس يرقص يهيص
وخدانا يا دنيا لفين كمان
مره سرس و كمان كرونا
اخيه عليه فيروس كرونا
فيه مدن كتير لما تشوفها ..
تقول مفيش فيها بشر
فاضيه وخاليه على عروشها
ما هو صار وباء فيها انتشر
سلم يا رب.. استر يا رب
ما ده كله بذنوب البشر
الاخ مش سائل فى أخوه
والابن مش راحم ابوه
حتى فرض الله سابوه
وعبيد كتير تعبد بقر
دلوقتى بعدك بقا غصب عنك
وتهجر الناس اللى منك
حبيس ما تعرف ايه نصيبك
غير اللى مكتوب من القدر
اخيه نقولها كلنا
اللى عيونا عمياه تشوفه
ورانا قسوة ضعفنا
وقد ايه احنا غلابه
وقد ايه الدنيا غابه
وان ما لينا غير ربنا
اخيه عليه فيروس كرونا

 117 total views,  3 views today

اترك تعليق

يرجي التسجيل لترك تعليقك

شكرا للتعليق