Essam Aboudonia. ( القاهرة فى الليل )

66

… ….
مشيت فى القاهره بالليل
سمعت صوت صهيل الخيل
وتحت مادنة الغورى
طلقت فى الفضا بخورى
وشوفتك من ورا الشبابيك
وغنيت لك جت المماليك
وحاصرونى..وحبسونى
فى بيت (على بك )
……
ياصاحب البيت الكبير
ﻻ انا فارس و ﻻمملوك
انا شاعر من الصعاليك
بعشق شطوط حبك يا نيل
والنيل بيجرى مهما كان الليل طويل..
يا عين يا نيل
ياليل يا نيل
يبكى القمر
على كتف النخيل
……..
مشيت فى القاهرة بالليل
سمعت صوت صهيل الخيل
وكان المتولى بيحسبها
على بابك
وكنت قاعده ع اﻷسفلت
مسحت بكمى انا ترابك
وخدتك تحت ضوء قنديل
.وشوفتك..
جميله قد ايه بالليل
….. .
( عصام ابودنيا )

 139 total views,  1 views today

اترك تعليق

يرجي التسجيل لترك تعليقك

شكرا للتعليق