Elsayed Elkon ((( حكايتي )))

46

آلو يابيه
آلو ياهانم
حضرة جنابك
بس فين
محتاجه حاجه
محتاجه أقولك
كلمتين
انا جاي اهه
حاضر ياهانم
قرب تعالي
بسرعه تسمح
تيجي بسرعه
ابنك في حاله
وانا في حاله
طب اعمل ايه
قوام تعالي
حاضر تمام
أنا جاي قوام
مع السلامه
والبيه في قعده
أخر تمام
مع صحابه
دخان وشيشه
مع حشيشه
والوقت عدي
قوام قوام
والواد بيسخن
وحرارته زادت
ده سخن نار
والعقل تار
طب اعمل ايه
وانا لابسه بيشه
دقيت قوام
علي الجيران
ردوا بسرعه
في ايه ياهانم
في ايه حصل
ابني مولع بس نار
ولا عارفه اقعد
ولا عارفه أنام
ولاعارفه حاجه
طب اعمل ايه
حد يساعدني
حد يغتني
رد عليا
ابن الجيران
حالا ياهانم
البس هدومي
واجي معاكي
لطبيب يشوفه
وما تخافيش
ها نروح نشوفه
وماتقلقيش
نكشف عليه
مايهمكيش
وانا معاكي
ماتزعليش
يالله بسرعه
لازم يعيش
كشف الطبيب
وادي له حقنه
من العياده
وكمان ياسادة
حرص بزياده
أداه لبوس
وقال ياعالم
وقال ياهووه
مين ابوه
انت ابوه
لا يابيه
طب فين ابوه
الواد ياناس
كان راح فطيس
بص الطبيب
وقال طب
ليه تسبوه
يادي الكسوف
المره دي
عدت كده
ربك ستر
زال الخطر
ساعتين كمان
والواد يفوق
شكرا يابيه
علي رقتك
علي وقفتك
يارب لطفك
رحمتك
رنيت لأبوه
آلو يابيه
نعم ياهانم
الدنيا قامت
ولا القيامه
ماانا قلت جي
يادي الرخامه
مع السلامه
والبيه صحابه
سخنوه
نسي ابنه وأمه
كمان ياهووه
دخان وشيشه
مع حشيشه
و سطلوه
أكلة كباب
وأصحاب هباب
غاب عقله غاب
والفجر أدن
والبيه راجعلي
ويا الكلاب
وصلوه
ساندينه ياامه
وفي دنيا تانيه
رمي نفسه
يااما قاطع النفس
وف ثانيه كان
ب يأكل كمان
ويا الملايكه
رز بلبن
وفا ثانيه تانيه
ابن الجيران
شالوا معايا
ع السرير
ودموعي سالت
ع الجبين
وبكيت كتير
ابن الجيران
شهم وأمين
طبطب عليا
وانا وليه
مسح عنيه
وما تزعليش
ما تفكريش
ولا تحزنيش
انا تحت أمرك
والأمر أمرك
ربك كبير
وبكره يصحي
ويفوق لنفسه
وسبيه ينام
خلاص ياهانم
الصبح شقشق
والورد فتح
وخلي بالك
بس علي ابنك
محتاج حنانك
محتاج رعايتك
مع السلامه
ودي نمره ليا
رني عليا
لو عوزتي حاجه
هنام لي ساعه
واروح لشغلي
ماهو لسه بدري
مع السلامه
مع السلامه
وفضلت ابكي
وانا جنب ابني
وعقلي خدني
كمان و جابني
وانا واخده ابني
ياناس ف حضني
النوم جفاني
وفجأه جاني
غمض عيوني
وبقينا واخري
صحاني جوزي
اصحي ياهانم
فين نايمه انت
فين الفطار
ما الواد تمام
ليه عامله زيطه
وزمبليطه
ياسيدي فوق
ابنك يا بيه
كان راح خلاص
بين الحياه والموت
ثواني
لولا الجيران
كان ضاع يابيه
وانا معاه
وفيها ايه
انا سايبه فله
والضحكه هله
والضحكه طله
جري له ايه
حرام عليك
باترجي فيك
ارمي اليمين
خليني امشي
طيب خلاص
خلينا نفطر
وما تزعليش
انا أصلي
حاسس اني
مصدع وشاكوش
في راسي
عايزه خلاصي
ع الحاله دي
ماأقدرش أعيش
ليه أشترتني
وف البيت رمتني
زي السرير
تفوتني وحدي
تسهر ليلاتي
وتجيني تايه
وقت الفجاري
خلاص ها اتوب
سامحيني طيب
وما تزعليش
وإنسي الليله دي
وماتحزنيش
وتعدي ليله
ووراها ليله
وكل ما ده
الحال يسؤ
وهو يبعد
ولا يوم يفوق
والفجوه تكبر
اكتر واكتر
والبيه بيدمن
خمره وحشيش
وف ليله عقلي
قالي أرن
ابن الجيران
شهم ونبيل
آلو نبيل
مالك ياهانم
ليه بتبكي
دموع عيونك
حرقت ضلوعي
حرام عليكي
جمال عنيكي
يدبل كده
فيكي ايه
قولي لي
البيه هاجرني
البيه ناسيني
محتاجه اشكي
محتاجه احكي
ولا أفضفض
ومين ها يسمع
أحكي ياطعمه
أنا ودني سامعه
وقلبي شمعه
هآيده ليكي
انا خايفه اقولك
وانا خايف اقولك
أحساسي بيكي
و قلبي ليكي
والشوق اليكي
خلاني أسهر
وابات أفكر
ليلاتي فيكي
ماانا قلبي فاتني
وطار حداكي
وانا خايف اقولك
اني شاريكي
ده خسار ليكي
انا نفسي اشوفك
وامسح جروحك
واداوي روحك
انا كنت حالف
لاداري حبي
واكتم ف قلبي
حرام ياربي
أعشق واخبي
واللي بحبه
جاري و جنبي
من الليله دي
ها طلب خلاصي
م الآسر ده
في لحظه رن
البوليس عليا
من غير أسيه
البيه خدوه
ويا صحابه
ف البوكس
ميت
يالله ادفنووه
وطلعت أجري
وربك نجدني
لا شيطان أخدني
ولا حتي جابني
وابن الجيران
شهم وأصيل
عمره ماسابني
كان ضهر ليا
عينه عليا
وراح لأهلي
ودفع لي مهري
ومسح لي قهري
ودي حكايتي
ودي بدايتي
مع حب عمري
وقلب دوغري
شالني ف عنيه
كلمات الشاعر/السيد علي القن

 97 total views,  1 views today

اترك تعليق

يرجي التسجيل لترك تعليقك

شكرا للتعليق