Elsayed Elkonالمنتدى الإعلامي لمؤسسة قادح زناد الحروف ((((( خليني في قلبك ))))

52

خدني في حنانك دفيني
وجوه عيونك خبيني
محتاجه احس بانفاسك
محتاجه احس بوجودك
من بحر شفايفك أسقيني
ياساكن قلبي و تكويني
مين غيرك هايطمن قلبي
واحس بروحه هنا جنبي
مين غيرك ها يريح بالي
والدنيا تفضل ضاحكه لي
و في قربه الدنيا تهنالي
والاقيها بحالها حاسداني
خدني في حنانك وريني
علشان ترتاح وياك عيني
وتطمن قلبي ياروح قلبي
مين زيك ف الدنيا ياربي
من حبه ونبضه ب يسقيني
و برمش عيونه يغطيني
مين زيك يقدر يسعدني
و يريح قلبي وعيوني
ويشيلني ف روحه و النني
خدني في حنانك دفيني
و جوه قلبك و داريني
خبيني ف عيونك خبيني
عن كل العالم و احميني
مشتاقه لحضنك يطويني
مشتاقه لحبك يغويني
ورجولتك و الله بتغريني
و بترشد قلبي و تهديني
وتجيني ف حلمي تصحيني
و منايا افتح كده عيني
علي كلمه أحبك تحيني
خليني في قلبك خليني
و بلاش تبعدني و تنساني
و تزود ناري و حرماني
طمني ب قربك ياحبيبي
وف حضن هواك وداريني

 111 total views,  1 views today

اترك تعليق

يرجي التسجيل لترك تعليقك

شكرا للتعليق