وحيد محروس خليل ( أرغموني على السكات )

53

أرغموني على السكات
وأنا الكيل جوايا طافح
والقلب مليان بالأهات
والكبت في أيامي سارح
………………………

شايف الحقيقة قدام عيوني
وإن قولت حرام الناس يلوموني
وفي لحظة الكل يبعد عني
وإللي إشترتهم زمان بيبعوني
………………………

كل حاجة فيا إتغيرت
حتى مشاعري إتدمرت
نفسي أصرخ بعزم الآه
دموعي في عينية إتحجرت
……………………….

أنا أبويا علمني أقول الحق
مهما الظلم على الراس دق
ولا أعمل حساب يوم لظالم
ولا أحط راسي وسط الشق
……………………….

مع إن النوة صعبة وشديدة
والأزمات ضرباتها عنيدة
وياما قولت ياناس كفاية
ونبدأ من تاني صفحة جديدة
…………………………
يقولوا بطل يا واد تخاريف
وروح إتعالج من شمسة صيف
هتعمل لنا واعظ وحكيم
إخضع وحافظ على الرغيف
………………………..

ومع الوقت ضميري مات
خايف من الجوع وكتير حاجات
وبقيت مسير مش مخير
وأرغموني على السكات

أرغموني على السكات

 115 total views,  1 views today

اترك تعليق

يرجي التسجيل لترك تعليقك

شكرا للتعليق