هشام عبدالله ضحكة القمر

38

………………….
خلص معاها كل الكلام
خناقات كتيرة والجيران
منا ما بتعرف تنام
أطبطب .. وأدلع .. وأشواق كتير ليها
تقول برضو عليا كداب كبير
طب أحلف ما أكلمها
ويطول ما بينا الخصام
دى الستات بغيرتها تجننا
تودينا يا ناس المورستان
ضحكة القمر …
طب فيها أيه لما أجبلها ورد وياسمين
وأقولها أنتى يا حياتى
أحلى من كل الياسمين
دى هيبقى لقلبها وليا يوم سعيد
وأرجع من الشغل تسبقنى
أشواق ليها من جديد
ضحكة القمر.. فى الشفايف
لما تبتسم ملهاش مثيل
ضحكة القمر.. لما تبتسم
متلقيش زيها مهما
تعدى سنين وتغيب كتير
دا القمر منها يتكسف ويختشى ويبعد بعيد
ضحكة القمر …
حياتى هى .. وهى عجبانى
ضامه قلبى .. وهى حبى الحقيقى
ساكنه قلبى .. ماشية فى وريدى
والغيرة منها .. تزيد لهيبى
ضحكة القمر …
آه على الحيرة اللى فى قلبها
مخليه القلب لحاله يدب
من ساعة محس باللهفه اللى تهد
خلت دقات قلبى ليها تمد
ضحكة القمر …
مخلص معاها كل الكلام
دا لسه فى قلبى
أشواق ليها وحب وغرام
يخلوا منا الجيران يضربوا بالكفوف
ومنهم بالحيره يرحوا على المورستان

 91 total views,  1 views today

اترك تعليق

يرجي التسجيل لترك تعليقك

شكرا للتعليق