مصطفى سالم يرسم كورونا

77

لف الزمان ومال علينا وجار
وخدنا فجأه من حضن دارنا ل 🔥
قالوا ال كرونا فيروس شيطان جبار
قال الحكيم ده سر م الاسرار
فيروس صغير محال تشوفه عينيك
سيطر وصغر الدنيا من حواليك
لو فجأه صابك طب مين هايبكى عليك
اقرب حبايبك ظنوا الحياه دى هزار
عجيب طباعك يا ايها الانسان
بعد امتناعك م البر والاحسان
مين اللى باعك بارخص الاتمان
وانت اللى دايما بتحدد الاسعار
فيروس كورونا مش وباء ده غباء
طغيان وفجر اكيد يساوى الفناء
الكل محقوق من الالف للياء
وناس كتير مابيننا صابهم سعار
اقروا الرساله ياسيداتنا وياساده
اللى منعنا ندخل ل دور العباده
هو اللى ممكن يكتب علينا الاباده
بفيروس كورونا… او بخيال صرصار

 125 total views,  1 views today

اترك تعليق

يرجي التسجيل لترك تعليقك

شكرا للتعليق