مصطفى ابوزيد مؤسسة قادح زناد الحروف (( فرع الشعر)) خايف عليك

36

========
آه يا قلبى ياللى ناوى على السفر
لساك بتحلم بالاميرة
وبعش هادى فوق جزيرة
او ركن فـوق عند القمر
يااااااااااااه يا قلبى
لساك بترسم امنيات
لساك بتحكى في حكيات
تضحك ساعات تبكى ساعات
وساعات بتعزف على الوتر
ولا مرة تشكى
لساك يا قلبى فيك حنين
براكين مشاعر مدفونين
متعطشين مستنين
تعبت عنيهم من السهر
مسكين يا صاحبى
نسيت زمان شوفنا الضياع
لــما انكسر منا الشراع
ما قدرنا يومها نقول وداع
يا الف اه على اللى انكسر
ولمين هتحكى
تاه القمر وسط الضباب
حتى الطريق عشق الصعاب
والزرع لخضر بالانين
جــواه حـنــيـن
بينادى حبات المطر
وآه يا قلبى ياللى ما تخاف الحذر
خايف عليك
خايف عليك ليجينى يوم وتصير حجر
بقلمي مصطفى ابوزيد
الإثنين، 14 سبتمبر 2020 الساعة 12:55 ص‬

 76 total views,  3 views today

اترك تعليق

يرجي التسجيل لترك تعليقك

شكرا للتعليق