مصباح الفضل يكتب أنا و موبايلي

87

❤️ عايش مع موبايلي

❤️ في البيت وبين زمايلي

❤️ في الشغل كمان ملازمني

❤️ والباقه بتشتكي مني

❤️ مكتبتي عليه وشغلي

❤️ والشعر ومين يلهمني

❤️ وفضاء ألكتروني

❤️ و صداقته مابتكلفني

❤️ غير لايك أو كومنت

❤️ للحاجة إللي بتعجبني

❤️ رأيي بكتبه بصراحه

❤️ وأنا إيه إللي يخوفني

❤️ كم ألف صديق على صفحه

❤️ وجروبات بتقدرني

❤️ للنقد أنا فاتح قلبي

❤️ لنصايحه إللي بتنفعني

❤️ شعراء كتاب نقاد

❤️ والكل مقدر فني

❤️ لو أشكو الكل يواسي

❤️ في الفرح الكل يهني

❤️ قرآني معايا على فوني

❤️ والورد اليومي يحفظني

❤️ أذكار ناطقة ومقروءة

❤️ م الشياطين بتحصني

❤️ ومنبه للأوقات

❤️ ومذكر للصلوات

❤️ معرفة القبلة كمان

❤️ لو قاعد في الفلوات

❤️ لو مغرم تيلفزيون

❤️ فيه برضه مسلسلات

❤️ م الآخر عالم كامل

❤️ فيه كل الاختيارات

❤️ وصَّال رحمك بمكالمة

❤️ بالصوت والفيديوهات.

❤️ نعم الرحمن تشملنا

❤️ والشكر يجيب زيادات

❤️ واجب تختشي على دمك

❤️ تستخدمه في الطاعات

❤️ وتخاف على أختك وأمك

❤️ لا تعاكس ولا تتشات

❤️ النظره بترجع نظره

❤️ واللمسه تكون لمسات

❤️ وحكاية “السقَّا” دي فيها

❤️ آيات وعبر وعظات

❤️ الراجل زق زميلته

❤️ رجعت في البيت زقات

❤️ ودا دِين يترد في دُنيا

❤️ في الآخره يكون حسرات.

شعر مصباح محمد إسماعيل فضل

كبير معلمين للغة العربية بجمهورية

مصر العربية.

 133 total views,  1 views today

اترك تعليق

يرجي التسجيل لترك تعليقك

شكرا للتعليق