مسحراتي الحلقة السابعة للشاعر مصطفى فريد

94

المسحراتى
الحلقة ( السابعة ) الخميس
للشاعر/مصطفى فريد

مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين

نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين

طول بالك غيظ أحزانك
طلع لها بالفرح لسانك
وبإصرارك عيش أيامك
الأفراح مخلوقه عشانك
نفحة من رب العالمين

إرمى همومك إنسي آلامك
لسه العمر جميل قدامك
إفرح إتعب إياك تغضب
أو يهتز فى مره إيمانك
خلى صلاتك تحيي الدين

خليك دايما هادى ونادى
إيه راح تاخده من الدنيا دى
غير أعمال تزرعها بإيدك
تطرح ليك فى الآخرة أمانك
وتكون بيها من الصالحين

با نادى دايما الله ربى وهادى قلبى
فى كل وقت وكل حين

إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم

 149 total views,  1 views today

اترك تعليق

يرجي التسجيل لترك تعليقك

شكرا للتعليق