محمد بدوى لسه بتحلم

62

لسه بترسم لون الفرح
وبترسم صوره من المرح
وجوه فيك كام الف جرح
كام دمع عين مالهوش حدود
نازل بيجرى على الخدود
تايه مش مكتوب يعود
لساك بتضحك وتتبسم
وجوه بتصرخ وتتألم
وبدل الدموع بتنزف دم
كده يعنى ياقلبى بقيت مرتاح
تكدب وبتتحلا بتوب أشباح
من بره الفرح وجوه جراح
بتلبس توب ماهوش توبك
لهو شكلك ولا لونك
وتعيش فى صوره مش صورتك
لساك بردوا عاوز تحلم
وتحقق فى المنام كام حلم
ويطلع ف الاخر كابوس أو وهم
فى ليل مكحل عيونه بكحل
وشايل على كتفه هم وحمل
بيجرجر فيه ورا ظهره لحد ماكل
ارجع ياقلبى وعيش نفسك
وحقق حلمك على مهلك
وعيش العمر اللى مكتوبلك

 133 total views,  1 views today

اترك تعليق

يرجي التسجيل لترك تعليقك

شكرا للتعليق