محمد بدوى كنت بقول

35

************
بتقولى تعالى ننسى الجراح
واللى سيبناه من جراح
وانتى اللى جايه طالبه السماح

ازاى وانا اللى دبحتك بأيدى
قال وكنت بقول وريدى
وكنت بقول……… لكن أتعديت حدودى

وكنت بقول عليكى حبيبتى
وقلت كمان قدرى ونصيبى
وما كنتش أعرف……… أن عمرك ما حبتينى

كنتى طير قلبى عشقه
وكنت بايدى ف عشه حبسه
ومعرفش أنه ف القفص………. كان رغم أنفه

طير وشايف جوا عينه شلال بيحرق
نازل بيملى فى القفص …خاف فيه ليغرق
راح يرفرف جوه منه …….فاكر أنه يفرق

ومعرفش أنه عاوز يطير ويفكر لحظه يكون امير
والقفص لو من دهب …..عمره ما حب يكون أسير
جواه بيصرخ م الألم وجراح كتير

وفتحت له باب القفص وبدون تردد
لقيته فرح وابتدى ف جناحه يفرد
ومن جوه قلبى بيتعصر خايف ليشرد

صبرت نفسى وكنت حاطط على قلبى أيدى
وبيها ما اتخيلت اقطع شريانى ووريدى
ولقيته طار وقالى كفايه عليك ياسيدى

م/محمد بدوى أبوالعلا

 81 total views,  1 views today

اترك تعليق

يرجي التسجيل لترك تعليقك

شكرا للتعليق