محمد بدوى شال م الحزن

59

شال م الحزن متجمع
ومتلفع بيه على اكتافى
خايف م الهم أقع واركع
وحمله يزيد ومش كافى
ومهما اترجى فيه يرجع
واصفى مشاكلى وخلافى
ومهما أئن ما بيسمع
ويمشى على ما يعافى
ياحزن ماتيجى نتصالح
وننسى اللى بينا ونتصافى
ونمد إيدينا ونتصافح
وآنسى ملامحى وأوصافى
هامشى بعيد وهاسكن صرح
عشان لا اشوفك ولا تشوفنى
وآنسى ذل الهوان والجرح
وأرمى الشال اللى خوفنى
وابدر ضلوعى بتقاوى الفرح
وارويها بشوقى من جوفى
واجنى بإيدى منها الطرح
ويأمنى من خوفى
والجرح اللى قلبه كان إنسان
وحالف إنه مايعرفنى
وقال هيغير العنوان
رجع بشاله على كتفى
وبعد ما حس إنه إتهان
راجع ورافض اى سلام
لقيته ساكن فى الوجدان
وبيرفض مابينا اى كلام
م/محمد بدوى أبوالعلا

 126 total views,  1 views today

اترك تعليق

يرجي التسجيل لترك تعليقك

شكرا للتعليق