محمد احمد مندور يكتب صيام زمن الكورونا

101

قالوا علاجها في النظافه
اللي اصلها كانت من الايمان
وخليك في بيتك في كل اعلان
جايه بالحزن فانوس رمضان
حاجه غريبه ومش مفهومه
علاجنا في الطهاره
وايه بعدالجامع ليها عنوان
نصلي ياعم لو في كمامه
وبلاش توجعونا وعيشتنا تبقي ندامه
شوف فرن العيش
رجلك فيه ماتخطيش
ولا زحمة البنوك
ولا للقرش الكل مملوك
نجاتنا صدقوني في صلأتنا
ودعاء بسجده فيها رحمتنا
خايف ماتكونش قصة كورونا
ليه عن الجامع بتبعدونا
اه يمكن اكون مسلم علي سطر
ومش مقطع طرق الصلاه والصبر
بس جوايا شرخ كبير
لما اصوم ومش عارف للاذان
تقديم ولا تاخير
صلاتنا ليها الف حل وحل
نوسع الصفوف
وفي الوضوء طهاره للابدان الكفوف
جوه الكمامه الانفاس مدفونه
وتعقيم سجاده دي حاجه مضمونه
بلاش تمنعونا
طب نصلي في ملاعب الكوره
يمكن للفيروس نكسر نفسه المغروره
ولا تشغلوا القران قبل الاذان
والعدوي مش بالسمع ولا بالاذان
مش لاقي سبب صابني جنان
مش لاقي كلام غير رحمتك يا رحمن

 171 total views,  1 views today

اترك تعليق

يرجي التسجيل لترك تعليقك

شكرا للتعليق