محمد أحمد شعر غنائى .. (( مهما يكون ))

20

مهما يكون بينا حدود .. مش هينقطع الوصال ..
و الود هيفضل كده موصول .. طول مافيه شوق و دلال ..
ده اللى بينا يا روحى وعود .. زرعناها بإيدينا ورود ..
لما أتقابلنا ف طريق موعود .. م أنسهوش أبدآ محال ..
مهما يكون بينا حدود ..
فاكره أول يوم ف لقانا .. إبتدى بنظره و سلام ..
و بعدها صارت محبه .. و أشواق و هيام
كان أجمل يوم بالنسبالى .. معرفش إيه اللى جرالى ..
شوفتك حبيتك طوالى .. و نسيت تعب الأيام ..
مهما يكون بينا حدود ..
إن حرمتنا الدنيا م السعاده .. مش هيحرمنا الشوق و الحنين ..
كله يا حبيبتى إلادا .. أرواحنا متفقين
ف أى وقت يتقابلوا .. مالهمش ميعاد حسبنلوا
هما الغرام كله .. و إحنا اللى محرومين ..
مهما يكون بينا حدود ..
بقلم الشاعر الغنائى ..
محمد البريمى ..

 49 total views,  1 views today

اترك تعليق

يرجي التسجيل لترك تعليقك

شكرا للتعليق