محمدعاشور قاص وروائى لما تكون بقلم /محمد على عاشور

17

لما تكون عايش متشعبط
فى حبال دايبه
لازم تنزل يوم على قلبك
لازم قلبك يوم يتعذب
كل عذاب الدنيا ف لحظة
لما تفكر انك واخد
كل زهور الدنيا فى حضنك
و هى الشوك اللى ما يرحمش
لازم روحك دى تتعذب
لما خيالك يبنى ف قلبك
صرح كبير
لبيت خربان
فيه السوس بينخر عضمك
لازم ينهد على كيانك
لما تشوف النظرة القاسية و الإنكار
من عين جاحدة لحب كبير
و تبقى شايفها نظرة حنونه
لكنها نظرة إنسان قاسى
ما يعرف معنى الحب دا ايه
تبقى فاكرها قصور ف الجنه
و هى لهيب النار و عذابه
لو ما تفوقش و ترجع تانى
يبقى اتحمل غدرها ليك
يبقى تشيل الظلم ف قلبك
و أفضل ساكت
و أشرب كأس المر لوحدك
لكن لو شايف فى عنيها
حقيقة حلمك المتشخبط
يبقى حتبعد
سيب النار تخمد بشويش
فكك منها
كأنها شىء جواك و اتكسر

 39 total views,  1 views today

اترك تعليق

يرجي التسجيل لترك تعليقك

شكرا للتعليق