ما بين ايدك بنام وارتاح ،بقلم، نيفـــار أحمد عبد الرحمن

20

انــا الطفلة اللــى عــــايشه فـى حبك
على ايـدك بنـــام واصحـي وانا برتاح
رموشـك يـامــا غطتنـي مــن القسوة
وكان اسمـي لباب قلبك كمـان مفتاح
وكنت بنــام علـى نبضـك بيسحــرني
بشـوفك وانت بتشيلنـي بكل كفـــاح
على ايدك لقيت نفسي عـروسة بجد
ودايماً جنبي وساندني فى كل نجاح
سامحني يا كل احلامي بـلاش تقسا
وانــا عني يــــا سيــدي سمــــــــــاح
وخليني ما بين ايـــدك انام واصحي
واشـــوف عينك دي احلي صبـــــاح
دي اجمل ورد فـى خـدودك بلاقيهم
بلون الفرحه والبهجة وانــا ســــواح
بغير مــن همسة النسمة على عيونك
بـلاش بالغيرة تقتلني عشان ترتـــاح
بحـب الحـب مــن حبـك وانـا بحبك
بحب اتملي فــى جمـالك عبير فواح
اموت لو ثانية هتسبني انام وحــدي
بلاش تبخل باشواقك وسيبني ارتاح

 45 total views,  3 views today

اترك تعليق

يرجي التسجيل لترك تعليقك

شكرا للتعليق