مانيش يونس احمد صبري

33


يابحر بيبلع القارب
وموج بيوقع الراكب
وماشية سفينة ف المينا
تدوس كل المراكب
واحنا ايه اللي في ايدينا
ومهما عملنا مش عاجب
بنتظم واللوم علينا
على جروحنا بنتعاتب
مش اْجدع ناس
كله كلام وخلاص
مافيش رجالة ولا ستات
ولا حد بقى حساس
جبن خيانة وحوارات
هما دول الاساس
وكلام الليل يبات
يصبح مافيش إخلاص
مانيش يونس عشان
اْصبر ف بطن الحوت
ولا اْيوب عشان
الصبر يعشقني
انا صبري على اْدي
وسهل اْموت
ضعيف جدا
وممكن ياْسي يبلعني
كتير باسكت
وباْثبت ان دا اْحسن
علاج الغي عدم الرغي
لا تحزن
ياقلبي صابك الوجع بدري
سرقوا شبابك وانت ما تدري
وعيشت عمري انتظر مهدي
فتحت عيني مالتقيت ملبن

حسيتي مافهمتيش
وبرغم حكاياتي
فهمتي ماحستيش
بانيني واْهاتي
وسبب الغياب اْكيد
احساس عايش وحيد
اْقرب حبايبي بعيد
وانا غربتي حياتي

 69 total views,  1 views today

اترك تعليق

يرجي التسجيل لترك تعليقك

شكرا للتعليق