على عبد الرحيم يقرر : كدابه نظرة العين

20

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا ام العيون الحلوين
وورد أخضر ع الغمزتين
ليه متكحله ب اشواق السنين
ليه ياصغيره لسنيني عاشقين
انا قولتلك مره واتنين
الفرق بينا مش سنه
لالا ياصغيرتي انا
الفرق بينا سنين
كدابه كدابه با نظره العين
لسه الحكاوي قدامك كتيره
وهمس الغناوي ح يخليكي اسيره
وقلوب تعشق وداوي نبضاتك الصغيره
الفرق بينا مش سنه
لالا ياصغبرتي انا
الفرق بينا سنين وسنين
ياللي رابطه ملامحي ف ضفايرك
وبينده عليه ليلاتي حبك وقلبك
لو ضعف قلبي وحنلك ودقلك
لو انتي مسامحه انا مش مسامحك
ولا مسامح حرمان السنين
وقولتلك مره واتنين
الفرق بينا مش سنه
لالا يا صغيرتي انا
الفرق بينا سنين وسنين
كدابه با نظرة العين
نتقابل اراي قولي ازاي
وانا من زمن وانتي من زمن
انا نهاري رايح رايح
وانتي نهارك لسه جاي
مين فينا اللي ح يدفع التمن
قولي يا صغيرتي ازاي أزاي
قربت تدبل عنيه
والشيب يسكن لياليه
ياعشقاني قولي لقلبك ينساني
لوضعف قلبي من حرماني
شمسي مش هتداري عليه
ونبض نهاري يصبح ضحيه
كدبة نظره ودقة حنين
وانا قولت لك مره واتنين
الفرق بينا مش سنه
لالا يا صغيرتي انا
الفرق بينا سنين
كدابه كدابه يا نظرة العين
كلمات على عبدالرحيم محمد

 45 total views,  1 views today

اترك تعليق

يرجي التسجيل لترك تعليقك

شكرا للتعليق