على عبد الرحيم المنتدى الإعلامي لمؤسسة قادح زناد الحروف خالتى ألمظ ف القبر

58

ساعة القيالة..جات
بعترت الضلة اللي ماليه الشوارع فى سكوت..
ما الدنيا حر وحرها مر علقم موت
راحت الناس تستخبى فى حضن البيوت
..الا خالتي. المظ طالعه من بيتها
لابسه توبها الاسود..
ومزغنفة بسمار طرحتها.
.ماشيه وعارفه رايحة فين خطوتها.
. الدنيا حر وحرها مر علقم موت..
وانا واقف فوق سطوح الدنيا الفانية الكدابه..
شايفها وهى بتفتح بوابة المقابر وبتعدى وتفوت
وقفت وتاهت.وصرخت..وسكتت
..وفتحت قبرهابأديها وغمضت عنيها
رمت شوية تراب وقالت.. بسم الله الدوام لله.
.احنا فيكى يا دنيا ضيوف أغراب
ودخلت قبرها برجليها من غير كفن ولا تابوت..
وانا واقف مزهول ..مخبول..مسحور
..شايف قلبى أرنب ضعيف بيتقطع..فى بطن الحوت
وناسى ان الدنيا حر وحرها مر علقم موت
…عدت ساعة واتنين وكمان ساعتين..
وخرجت تايهه..شاردة بعنيها ..بكيت عليها.
. نديت عليها..خدى يا وليه.
. انتى انسيا ولا جنيا
..انتى لسه عايشه وشيفاكي عنيه
…نفطت بايديه قنطار تراب من لياليها.
.وقولت لها فى خمسين وستين سؤال بينادوها
ليه ..وعشان ايه.ودخلتى ليه.
. وطلعتى ليه..وايه.. وايه.. وايه..
قالت يا ولدى انا امية
عايزة اغسل الذنوب اللى علية
..دخلت القبر من الردفة نعست
وماتت عنية ..جانىي فى منامي
راجل لابس بياض كل ايامي
. ورمى السلام علية رديت السلام
.انا معرفاش اقرا ولا اكتب ..علمنى
.انا معرفاش اركع ولا اسجد علمني
وخايفة من عزاب القبر.. فهمني
..وخايفة من النار والهلاك..اعمل ايه قولي
..قال لي يا أنسية..نضفى قلبك
واستغفرى ربك واهجرى بيوت النميمة والشتيمة
وابعدى عن أذى الناس خليكي رحيمه
ومع اليتيم واليتيمة
ومع المحروم والمحتاج .. خليكى كريمة
.. وازرعى فى ارض أيامك
أشجار الحب والاخلاص
واكتبي ف حروف احلامك
كل الود والاحساس
واعبدى ربك بقلبك بعينك.
.بكل حواسك وملامح سنينك
وقولى ..بسم الله لااله الا الله محمد رسول الله
واحمدى ربك.. ان شاء الله ربنا يتقبل منا ومنك
و صحيت لقيت نفسى انسانة تانية
مش باقية على الدنيا الفانية .
.ومشيت خالتى.. ألمظ.. تسبح وتستغفر
فى سكتها لحد ما دخلت بيتها
والدنيا حر وحرها مر علقم موت.
وانا واقف مزهول مسحور
شايف قلبي أرنب ضعيف
بيتقطع ف بطن الحوت
خالتي ف حضرة الموت
كلمات على عبدالرحيم محمد

 123 total views,  1 views today

اترك تعليق

يرجي التسجيل لترك تعليقك

شكرا للتعليق