عبد الله سكرية… .. يلْعنِ الشّيطانْ …..

30

_ وبْليلْ مو متْلو حدَا ، سهرانْ وحْدي عبْهَدا ، ما في قمَرْ، ما في سَمَرْ، وحْدو الشَّجَرْ عالسَّكتْ ، عمْ يِغزُلْ صَدى ..

_ وَحْدي .. ومَا حَدَا حدِّي ، مدَّيْتْ إيدي ، غْمَرْتْ لِمْخدِّي .. شِفْتا متِلْ شيْ ضَوْ قدَّامي . كيفِ انْفتَحْ هالبابْ ؟ شَغلةِ حْرامي ..

_ متْلِ القمَرْ .. مِدْري قمَرْ عطشانْ.. مِدْري قمَرْ عشقانْ ؟؟ اللِّي بَعْرْفو إنِّي صرِتْ خِيفانْ . وعلى مَهْلي ، سْحَبِتْ المْخدِّي ، وصَوْتْ ينِدَهْلي ، ويْنكْ إنِتْ هرْبانْ ؟؟ هيْدي أنا حدَّكْ ، ما بِترْككْ وَحْدَكْ ، جايي لنِتْسلَّى ، من ِالحبّْ نِتْملَّى ..

_ يِلْعنِ الشِّيطانْ ..
_ ما بتِرْكو للضَّيفْ ، وَلا بِحدِّ السَّيفْ ، بيزْعَلِ عْلينا ، لوْ ما تْسلَّينا ، وبْيعرفو الجيرانْ ، اللي كلّهنْ نسوانْ ، إنُّو أنا هربان ، وبْتكبَرِ الحبّي ، ومعها المْسبّي ..

_ ولمَّا هكلْتِ الهَمْ ، لقيْتِ الشَّمِلْ يلتَمْ ، وعُمْرو ما كانِ الغَمْ .. ومدَّيتْ إيدي لاعبُو للضَّيفْ ، بلمْسِةْ عطفْ، ، ومعها شي نتفِةْ كيْفْ…
_ لْقَيْتْ حالي بي حلُمْ ليلةْ صَيْفْ …
عبد الله سكرية .

 65 total views,  1 views today

اترك تعليق

يرجي التسجيل لترك تعليقك

شكرا للتعليق