رضا عبد الحميد زمبليطة

26

 

(زمبليطة)🤣

زمبليطه

بزلميطه

خلطبيطه

ودنيا ماشيه بالعبيطة

لوتفكر يوم فى حالها

رح تخبط راسك فى حيطه

ومش هتوصل للحقيقه

مهما تمشى فى دروبها

وتغوص ف بحورها الغويطه

زمبليطه

بزلميطه

خلطبيطه

🤣🤣🤣

ناس حسيسه

وناس خبيثه

وناس حويطه

وناس بسيطه

وناس أليطه

وناس بليطه

وناس هفيه

وناس بتمشى ف كل زيطه

زمبليطه

بزلميطه

خلطبيطه

🙃🙃🙃

الفلوس وييا التيوس

والفقير جوه الكابوس

والحقير راكب التيوتا

والشريف مش لاقى برويطه

والحرامى واكلها ضانى

والشريف نـِفسه ف سميطه

والسفاهه رافعه راسها

والمبادئ فى الحطيطه

زمبليطه

بزلميطه

خلطبيطه

😁😁😁

دنيا صبحت كام بكام

ولاعدش فيها احترام

ولا عفه ولا التزام

والحريه فى اللجام

والحلال زى الحرام

كله عايز يملا كرشه

لويقدر على خوه يحشه

والطير الحلو المسامح

فى الحياه مش لاقى عشه

والراجل مش لاقى نفسه

الزمان بالقهر داهسه

وأمورنا صبحت لغبـطيطه

زمبليطه

بزلمـيطه

خلطبيطه

😤😤😤

سلمت لله أمرهــــــا

بحلوها وبمرهــــــــا

دنيـا وماشيه بضهرها

والغش دافع مهرها

والشر لجم مـــُهرها

والطغاه بالقوه فيها

على الضعاف ديما سليطه

زمبليطـه

بزلميطه

خلطبيطه

🤓🧐🤠

دى دنيا كارهه نفسها

وكل حاجه عكسها

والجهل سايـق تكسها

والحرب قتلت حـُسنها

واليأس راضع بأسها

حاولت أعالج نفسها

وكلمتها على فاكسها

لقيتها ضايـعه على الخريطه

زمبليطه

بزلميطه

خلطبيطه

🤣🤣🤣

اللى ماتو بالكورونا

ارتاحووللا ريحونا

ياللى عايشين تإرفونا

وطلعتو ميتين ابونا

تعبتونا

جننتونا

وبالمعارك شردتونا

ولوثتو النسمه المحيطه

الله يمحيكم بشوطه

زمبليطه

بزلميطه

خلطبيطه

😷😷😷

(هستريا)🤣

شاعرالإحساس

رضاعبدالحميد

 58 total views,  1 views today

اترك تعليق

يرجي التسجيل لترك تعليقك

شكرا للتعليق