خالد المنصوري قاصد بابك خالد المنصوري/مصر

32

جايلك واقاصد بابك
وعنيا تبكي دموع.
بفكر في كل عذابك
لطريق ملوش رجوع
جايلك مليان ذنوب.
قلت ارجع اتوب.
.وابعد عن اي ذنب
اللي فيا مكتوب
الحب كان قصه قويه
والاحلام بيها نورت
بس دنيتك هى هيه
ومافيش حاجه اتغيرت
اتقفلت كل الابواب
واتقفل معاها قلبى
لو هنفكر فى العتاب
فماكنش الذنب ذنبى
ولا ذنب الدنياوالظروف
ولا الحكاوى المداريه
لو فارقنا بالمعروف
ماكناش وصلنا للاذيه
فالحل انى امشى
ومافيش تانى حلول
اتقالت كده فى وشى
واى كلام مش مقبول
انا اللى خسرت من البدايه
لما كنت بنسى واصالح
انا اللى طولت الحكايه
فى كل مره كنت بسامح
رجعت تانى خطوتى
ومن درسك قلبى اتعلم
لفيت اشوف دنيتى
ومش مستاهله انى اسلم
يارب اكفيني بحلالك
عبدك خلاص جالك
جايلك قاصد بابك
وعنيا تبكي دموع.
قربني ليك بايمان
واهديني يارحمن.
لطريق ملوش رجوع

 69 total views,  1 views today

اترك تعليق

يرجي التسجيل لترك تعليقك

شكرا للتعليق