حبك أصبح شئ عادي -هشام علي

58

حاولت أكذب على روحي
وأقول ح ييجي يصالحني
وفضلت مستنيك وبشوقي
وزاد لي قلقي ليك مني
لا جيت ولا حتي مراسيلك
أصل إللي فات بيننا لازمني
ما يا إما تيجي تريحني
أوَّ إبعت وقول إنك مخاصمني
،،،،،،،،،،،،،،،،،،،،
مش قادر أفهم أشواقي
إنك لا جاي ولا راجع
وكل ما أفتح فى الموضوع
أشك إنك بتلاوع
أأجل الأحلام حبة
لحد م ارسي وأكون سامع
إن الغياب عمره م حيطول
يا كتاب مافيش منه مراجع
،،،،،،،،،،،،،،،،،،،،،
خلاص ما نيش ح اظلم روحي
معاك وأفكُر فى الماضي
وأتعب ألآمي وحيرتي معاك
وأهيم وأسهر ع الفاضي
لحد ما تيجي تكون راضي
ما بقيتش أشوفك وأفرح بيك
أنا مش رح أشغل بالي عليك
أصبح ده كله شئ عادي

 135 total views,  1 views today

اترك تعليق

يرجي التسجيل لترك تعليقك

شكرا للتعليق