جيلاني أنور حالة حب

30

أنا عايشة في حالة حب
أنا خايفة قلبي يطُب
بصراحة جميل الحب
مِعَيٍشني في حلم جميل
في نهار إن كان أو ليل
وكأني يا خلق في جنة
يارب تدوم وأتهنَّى
الليل سهرانة علشانه
بأتمنى أزور بستانه
لا أنا قادرة أقوم من نومي
ولا قادرة أكمٍل نومي
قلبي جوايا بيرفرف
أنفاسُه عبير بِيهفهف
بأتمنى أشوفه حقيقي
وأكمل وياه في طريقي
يكفيني أبص لِطِيفُه
لكن سايباه على كيفه
ماهو ساكن جوة حشايا
وقمري الموجود بسمايا
يا سلام ع الحب يا ناس
بالذات إن كان بإخلاص
وحبيته يا خلق خلاااص

 63 total views,  1 views today

اترك تعليق

يرجي التسجيل لترك تعليقك

شكرا للتعليق