جمال أحمد يكتب مشتقالك..مشتقالك

64

ياللى طيفى مجاش ف بالك
مشتاقلك والشوقه لوعه
بتكوى قلب المحرومين
ارجع يا غالى ..ارجع بسرعه
ارجع دوينى من الحنين

من بين جرانى انت هويتك
وسبت كل الناس عشانك
ولا انت دارى بنبض قلبى
وفضحانى عينى مش قدره خبى

مافتنش ليك نظرة عينيا
وملامحى وشى.. رعشه ايديا
ده انا كلى قالك مرتحالك
وف بعدك انت مشتقالك

واحتار دليلى فيك يا جارى
يا اللى انت مش دارى بحالى
هو ده تقل وآسيا
ولا مش دارى انت بيا

ده انا زرعه ف البلكونة ورده
علشان اتلكك واشوفك
ولما كنت تصبح عليا
كان نفسى اضمك اوابوسك

ولما عودت رديت لى روحى
وقالت لنفسى يا بت بوحى
سبقنى هو وقالى بحيائه
خايف اقولك تكتر جروحى

القمر نور عشانى
والورد فتح فى غصونى
وف حضن قلبه لقيت مكانى
وبرده لسه مشتقالك

جمال أحمد ٢٤مارس ٢٠٢٠

الحقوق محفوظة لجمال احمد

 103 total views,  1 views today

اترك تعليق

يرجي التسجيل لترك تعليقك

شكرا للتعليق