بدر الدين احمد يكتب ايام الكرونة

74

لا ثمة بوس ولا سلام
لاحتى صلاة وراليمام
لا زمنا نطبق لوامر
ونشوف العالم اش صاير
لا نولى نتحصر حاير
نبعد عالشيشة والحمام
انظف ديمة بالجفال
لا عطسنا الكا غط للبوبال
في جيبي دبيبيزة جال
المرض خطير موش اوهام
كل ساعة نغسلها ايدينا
نحمي نفسنا وذرارينا
والناس اللي تعز علينا
كلامي راهو ياسر هام
نغسلها ديمة بالصابونه
هكاكة نقضي عالكرونة
ونسلم عالناس لجون
بالبسمة وفي العين كلام
للكحة نعرض موشوار
ولازمنا نقعد في الدار
نسمعها نصايح واخبار
ما طول حال ولا دام
الوقاية تبقى هي الساس
تحمينا من وجع الراس
ومالحربة نخرج لا باس
نتعافى ويقعد لكلام
ربي يحرصنا و يحمينا
وهالغصرة تتعدى علينا
للجامع نرجع يزينا
نصلي جماعة ورا ليمام

 152 total views,  1 views today

اترك تعليق

يرجي التسجيل لترك تعليقك

شكرا للتعليق