الناقد حمدى البوقى المنتدى الإعلامي لمؤسسة قادح زناد الحروف لسه ف عينى

32

غيره وغزل
لسه ف عينى
بصة عيني
المليانه شوق
مليانه قلق
عينى الشايفه
ابعد م الشوف
قلبى مرعوش
خايف م الخوف
طرح الدم سايل
ع الارض قايل
القمر مدبوح ياهوه
مين شايف ؟
ومين اللى موش شايف؟
الناس واقفه طوابير
وبياع ف المولد
طراطير..طراطير
وحمامى يامه بيطير
حاطط على شوك
نازل البير
طراطير ..طراطير
الناس واقفه
طراطير
اسف جدا
طوابير
حاسبوا الدبابير
على بيتنا الاخضرانى
بيطير
والدبور مليوبير
ومفيش ف البيت
غير الفتافيت
اكل العصافير
والعصافير هجت
هدوا العش
المبنى من قش
طمعوا ف قليبي
الصغنتوت
بصيت حواليه
لقيت ابويا
ماسك الارغول
كان نفسه يقول
غنى يابا
اغنية العصافير
لما كنا صغيرين
غنى يابا
الدمعه فاره ع الخدين
ليه يابا؟
قالى
ان كنت فاكر غنى
نسينا ياولدى
ف يوم كنتوا صغيرين
ف يوم كنا صغيرين
بقلمي
حمدي البوقي

 67 total views,  1 views today

اترك تعليق

يرجي التسجيل لترك تعليقك

شكرا للتعليق