المسحراتي للشاعر مصطفى فريد

79

المسحراتى
للشاعر/مصطفى فريد

مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين

نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين

ياللى غواك الشيطان
نساك حلاوة الإيمان
إسهر مع القرآن
فى نوره تلقى الأمان
والجنة للصابرين

فكر فى يوم الحساب
راح تلقى فين الجواب
مابين إيديك الكتاب
فيه اللى حاضر وغاب
خليك مع التايبين

يارب وبرحمتك
نور لى بمحبتك
سكة ظلام نفسى
إهدى الفؤاد سكتك
خدنى لطريق جنتك
إحمينى من يأسى
يا ارحم الراحمين

با نادى دايما الله ربى وهادى قلبى
فى كل وقت وكل حين

إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم

 138 total views,  1 views today

اترك تعليق

يرجي التسجيل لترك تعليقك

شكرا للتعليق