المسحراتى الحلقة الثالثة يوم الأحد للشاعر مصطفى فريد

65

 

مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين

نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين

أنظر بعينك وارحم بقلبك
الله يعينك ع اللى إنكتب لك
بيوصى دينك توصل لرحمك
والمحرومين

زود نصابك قوم خد منابك
اعمل حسابك قبل ما تلقى
العمر سابك ويروح شبابك
يا اسطى امين

إرحم يتيمك قيمه يقيمك
دعوة تزينك وتعز دينك
وتسد دينك والخير يزيدك
ما تقول آمين

با نادى دايما الله ربى وهادى قلبى
فى كل وقت وكل حين

إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم

ربما تحتوي الصورة على: ‏‏شخص واحد‏، ‏‏نظارة شمسية‏‏‏

 112 total views,  1 views today

اترك تعليق

يرجي التسجيل لترك تعليقك

شكرا للتعليق