الكرونا بقلم احمد السبكى فيه وباء اسمه الكرونا

117

منه ياما  حذرونا

قالوا عنه مميت وغادر

خلوا بالكم وافهمونا

الكرونا  اصله نزله

بس زادت والله حبه

واللي ما بيخلي باله

منها كدا  حيروح في داهيه

الكرونا ايوه معدي

بالنضافه عليه بنقضي

اما لو  زادت خطورته

ع. الدكاتره بسرعه نجري

شوفوا اعراض الكرونا

اعرفوها واسمعونا

تلقي كحه وعطس جامد

والحراره  لفوق وصاعد

والتهاب في الحلق واضح

والالم في العضم  سايد

والخمول في الجسم  كله

والعنين  بالدمع  نازله

تلقي رشح كتير وسايل

خلي بالك منه كله

لو لاحظت شئ تقول

ليه تخاف ودا مش اصول

روح علي المستشفي دوغري

قبل ما الموضوع يطول

اوعي تاخد شئ بنفسك

روح علي الدكتور  بنفسك

هو يعرف كل حاجه

واحمي بيتك واحمي نفسك

الوقايه سهله جدا

بالغسيل  ونضافه ديما

والبعاد عن كل زحمه

في السليم حنعيشوا ديما

اغسل ايدك بالصابونه

بيها  ما تجيلك كرونا

او تطهرها بمطهر

الدكاتره علمونا

اشرب الميه بغزاره

اشربوها دا مش خساره

تمنع الفيروس  نهائي

ومش راح تحس بحراره

لو شعرت في يوم بحاجه

اوعي تعاملها بسزاجه

المرض جه جوه بلدي

وزاد كتير عند الخواجه

بادعي رب الكون يسلم

ع. العباد بالصحه يكرم

والوباء دا يروح في داهيه

والبلاد بالامن تنعم

فيه وباء اسمه الكرونا

 198 total views,  1 views today

اترك تعليق

يرجي التسجيل لترك تعليقك

شكرا للتعليق