الشاعر محمد البحيري يكتب احنا ولاد البطة السودة

106

احنا ولاد البطة السودة

احنا الخيشة ف عز الموضة
احنا بتوع الصالة و اوضة
احنا ف عز تعبنا نواسى
احنا كلام بالليل وناسى
احنا الضحكة تغيب بالشهر
احنا عيشتنا فقر و قهر
احنا مرتب نص الشهر
احنا المصيف جوا الترعة
احنا اللقمة ديما دلعة
احنا النومة ف الكوابيس
احنا عظام جوا التجبيس
إحنا الضهر المحنى زيادة
إحنا الطوبة نخدها وسادة
احنا الصعب ف قلب المر
إحنا الهم ماشى يجر
احنا الحظة الحلوة بعيدة
احنا النوة شدة شديدة
احنا السقفة بيد وحيدة
إحنا تعبنا يا دنيا عنيدة
إحنا غلابة يا دنيا ديابة
احنا تعبنا كفاية كأبة
#محمدالبحيري *

 259 total views,  1 views today

اترك تعليق

يرجي التسجيل لترك تعليقك

شكرا للتعليق