الشاعر/السيد علي القن يكتب تلاطم الأفكار

68

((( تلاطم الافكار )))

افكار ورا افكار
بتضرب كتير في الراس
كدوار ف وسط البحر
سايبه الم في النفس
عصفور ف وسط النار
اسرار ورا اسرار
الكل فيها احتار
ياريت ف يوم نرسي
ع المينا او ف البر
والدنيا سارت شر
عايش فيها الأشرار
بدون قيود احرار
و كل شئ بقرار
والخير مالوش ثوار
يقفو في وجه الشر
اخبار ورا اخبار
في كل حته دمار
بيروت تولع نار
وكمان يقولو الحر
محتار مع الافكار
والروح كساه غبار
والعقل بات محتار
ما بين الخير و الشر
مجانين ف وسط الدار
بيأيدو فيها النار
فيه اللي ولع فار
وبيطلقه في الدار
في العلن و السر
ونار وراها د نار
مسكت في اهل الدار
في كل بحر و بر
ياليل مالوش نهار
ايه اخرة المشوار
الخير غرق في البحر
ولا ده كان سنار
والموج رماه ع الصخر
تسكن في برج و قصر
حواليك صبايا و حور
اياك تعلي السور
وتزيد كمان في القهر
ارضك ها تصبح بور
و الجور يجر فجور
قوم ياللي هد السور
وافتح بيبان القصر
للنور يجر النور
يمحي ظلام الفقر
وانصر قضايا الخير
واسمع لرأي الغير
بكل عفه و طهر

كلمات الشاعر/السيد علي القن

 147 total views,  3 views today

اترك تعليق

يرجي التسجيل لترك تعليقك

شكرا للتعليق