السيد محمد أبوطاحون قصائد قصيره 63 *** بقلم السيدابوطاحون

15

*********
ملعون ابوها العروش
اللي تذل النفوس
ملعون أبوها الكراسي
اللي بتصنع تيوس
*********

ناديت ع اليوسفندي
ابن عم البرتقان
لقيته الصبح عندي
وحكى لي ع اللي كان
*********

صباح الخير والجمال والود
على كل قلب ابيص ملاه النور
عصفور صغير صلى في الاقصى
حرامي مسكه وتهمته مغرور
*********

خريف مخرف
مش لاقي له طبيب

مال الشجر
واقف كانه غريب

الريح تصفر
كل الورق يصفر

على فين تسافر
يا عديم الحبيب
والديب بيرقص
رقصة الكفار
*********

حاول حاول قد ما نقدر
ربك يفتح باب قدامنا
نضحك تاني أكتر واكتر
تجمعنا احلى احلامنا
*********

اصحى ياضمير الناس
ماتنمش
وتعالى عشان
تيجي معاك الشمس
وكفايه .
“مسرحية شقة في مدينة جامعية”
تأليف واخراج السيد ابوطاحون 1977
*********

كنت فين يا اسماعين
لما أتبنى السد
في يومين اتنين
لتنين والتلات
*********

كنت فين
يا اسماعين
لما سرقوا الكحل
من عين البنات
*********

وعشان روايه تنظبط
لازم اللصوص يتقيدو
عصافير كتير جوه القفص
لازم يطيرو ويغردو
*********
#قصائد_قصيره63
#السيدابوطاحون
#الأخنوم

 33 total views,  1 views today

اترك تعليق

يرجي التسجيل لترك تعليقك

شكرا للتعليق