الحاج نبيل عبد الحليم مؤسسة قادح زناد الحروف (( فرع الشعر)) (أمل بلا أمل)

64

ياأنة روح من الغربة
ياقلب قاسى بهجرة
ياقلب حزين من الفرقة
حبيب فى البعاد هاجرة
كسرت للفؤاد جبرة
ومين غيرك يكون جابرة
عمى العين ما كان عبرة
ونام ع الخدود حاجبة
فتحت بإيدك باب قبرة
أتارى الحال كدا عاجبة
قتلت بالبعاد فجرة
وحتى الليل غاب نجمة
شبح الهجر طاب رجمة
قساه خرق السماوحجبة
يامين يطفى نار قلبى
لهيب الشوق مدوبنى
طيفك للروح ساعة يزورها
يمس بإيدة على عينى
أكيد يرجع لها نورها
ياأنة روح من الغربة
يا بحة صوتى من نوحى
ياقلب حزين من الفرقة
سبب موتى من جروحى
كفايا حرام أنا صابر
القلب خلاص وقف عدة
ومين غيرك يكون خابر
على سيرتك بيزيد نبضة
فى البعد لحالى بكابر
على أمل يضيء غدة
بقلم
نبيل عبد الحليم

 135 total views,  1 views today

اترك تعليق

يرجي التسجيل لترك تعليقك

شكرا للتعليق