احمد عبدالحق كسر رخام

22

———–
ممكن تعمل لوحة جميله
بكسر رخام
وممكن تحلم
وممكن تكتب
اهو اي كلام
ممكن تلضم مشاعرنا
بحبة دبابيس
ممكن تقفلها بترابيس
حلمك ديما كوابيس
ولو هنشوف الكواليس
مليانه اي كلام
اه ياقلبي
ياما شايف وساكت
اللي عاشت يوم عشانك
واللي ماتت
واللي لسه المر جي
وكسرة النفس اللي فاتت
هو عقابه الهي
افهمونا
لما حس ان القوي
داس عالضعيف
لما شاف لازم تموت
عشان تساوي تمن الرغيف
افهمونا
زمان علمونا
ان اختل الميزان
اهدنا الله بالكورونا
احمد عبدالحق

 46 total views,  1 views today

اترك تعليق

يرجي التسجيل لترك تعليقك

شكرا للتعليق