احمد جابر ابو هنتش وقت الفراق

37

هو ده وقت الفراق
بعد ما فات وقت
الاشتياق
قلبى كان ملك إيدك
وعنايا كانت تستنى
النظره لعيونك
كنتى عمرى وسنينى
كنت عايش فى وهم
حبك
وكنت فاكر إنك بتعشقينى
كنت بحسب عمرى بسنينه
وبعد مالقيتك
كنت بحسبه بوقتى معاك
كنت شايل فى قلبى
صورتك
كنت برسم جواه بسمتك
كنت بحس إنك دنيتى
وناسى
وكنت مجنون بعشقك
كانك جنيه او من البنات
الحور
وفيه كنت كما المسحور
بس انتهت الروايه
وبقت فى فصلها الأخير
كنت هاكتب نهايه سعيده
وتيجى منين السعاده
ما أنت خليتها دراما
اسهر ليلى أعد النجوم
واكلم القمر عن عشقك
يرد كلامى ويقولى
متستهلش حبك
ولاسهرك الليالي
متستهلش حتى تفكر
فيها يوم
ولا تشوفها فى أحلامك
وتصحى تعد النجوم

 84 total views,  1 views today

اترك تعليق

يرجي التسجيل لترك تعليقك

شكرا للتعليق