ابراهيم رمضان عرق روحي للشاعر ابراهيم خليفه رمضان

46

مراكبي وعايم
فوق مركبه النعسان
وشارد بالخيال هيمان
دقاته تشبه .. دقة الساعه اللي بتصفر
ساعة ما يجي الوقت
تعلن ان الوقت مات
وشمسة الحرقه
تدخل تحت ضلوع الجسم
تتلف اف هوي مدبوح
وتشرب من عرق روحي
تجف الاهه جوابا ..
وتطلع علي بوحي
اضم الكلمة في المعني ..
واغزلها لبنات الحور
تغميها ايدين مش ايدي
تتوه هناك .. ولا ترسي في مرسايا
وبنوته بتوضع كفها النونو علي صدري
وتحسبلي ساعات عمري
تلاقي عمرى مش عمري
تشبك ايدي في ايديها
وتاخدني
لعمر جديد
لحلم وليد
لبسمه طاله م الشبابيك

 95 total views,  1 views today

اترك تعليق

يرجي التسجيل لترك تعليقك

شكرا للتعليق