إبراهيم الافندي يتسائل هي ليلة القدر فين

67

ورمضان في زمن الكرونا مقالة و شعر

ان شاء الله يكون أجمل رمضان يمر على الأمة العربية و الإسلامية دا رمضان اللي ح نصلي فيه التراويح كل واحد بمفردة زي الرسول ما كان بيعمل و دا رمضان االي ح نوفر فيه الطواف حول الكعبة و السعي بين الصفا و المروه و نطوف ونسعى شوية حول الفقراء والمساكين دا اول رمضان حننسي فيه اننا ندور علي ليلة القدر في صحن المسجد بس ممكن تلاقيها علي رؤوس اليتامي و المساكين وح تلاقيها في بطون الغلابة و المعدمين و جنب بق المحرومين يبقي دا أجمل و احسن رمضان يمر علينا و لا لأ
ليلة القدر فين
#كلمات_الافندى
لو بتسال
لو بتسال هيا ليلة القدر فين.
او بتسال اللى اولى بيها مين
هيا مش ديما مكانها فى المساجد
او هتلمسها بجبينك وانت ساجد
هتلاقيها فى بطون المحتاجين
ولا يمكن جنب بق المحرومين
.تحت توب هتلبسة للعريانين
لو بتسال هيا ليلة القدر فين…
بس قوللي ايه لزوم الاسئلة
هيا مش موجودة ديما فى الصله ( اى في الصلاة )
هتلاقيها اكيد عليك متفصلة
وانت بتقدم سعادة للحزين
وانت راجع بإبتسام ارمله
تلمسها على راس اليتيم
وفى الرحم لو فيه صله
بس تسأل
وفي الرحم لو فيه صلة
لو بتسأل
لو بتسال هيا ليلة القدر فين.
او بتسال اللى اولى بيها مين
هيا مش ديما مكانها فى المساجد
او هتلمسها بجبينك وانت ساجد
هتلاقيها فى بطون المحتاجين
هتلاقيها عند بق المحرومين
.تحت توب هتلبسة للعريانين
لو بتسال هيا ليلة القدر فين…

لو بتسأل #الافندى #خواطر_الافندى #خلصت_كلامى_خلاص
كل عام و انتم بخير و رمضان مبارك

 115 total views,  1 views today

اترك تعليق

يرجي التسجيل لترك تعليقك

شكرا للتعليق