أسامة الحكيم سمعت رنة المحمول

32

سمعت رنة المحمول
قمت من نومي على طول
أجرى عليه زي المهبول
و مسكته و لسه هقول
ــــــــــــــــــــــــــــــــــ
ألوووو مين معايا
أنا امك يا ضنايا
يا سعدى و هنايا
و عمري و صبايا
ــــــــــــــــــــــــــــ
أهلا يا أماه
يا كل المال و الجاه
يا أحلى ما في الحياه
يا رحمه م الإله
كيفك يا غاليه
يا شجره عاليه
كوني عنى راضيه
حياتي بدونك فاضيه
ــــــــــــــــــــــــــــــــــــــــ
بخير طول ما انت بخير
يا حبيبى يا أعز سمير
دبحتلك م الطير كتير
و خبزت لك عيش و فطير
ــــــــــــــــــــــــــــــــــــــ
يا امّا دا كتير عليه
يا حبي يا نور عنيه
لسه عما آجي شويه
يا روحي يا أصل الحنيه
ــــــــــــــــــــــــــــــــــــــــ
يعني مش جاي ف معادك
قولي أيه يا حبيبي صابك
طال ليه المره دي بعادك
أنا مشتاقه لك و اخواتك
ــــــــــــــــــــــــــــــــــــــــ
مفيش حاجه يامّا صابتني
و لا حاجه ليكو نستني
و لا ظروف الحياه أستني
و لا واحده منكو خذتني
ـــــــــــــــــــــــــــــــــ
طب ليه عنا هتتأخر
قولي يابني فسر
لو فيه واحده عبر
هنيجي نبارك و نحضر
ـــــــــــــــــــــــــــــــــــــــ
تحضري أيه يا أمي
مفيش حاجه من دي
و لو فيه مش هخبي
عنك يا أحلى ما عندي
ـــــــــــــــــــــــــــــــــــــ
يمكن يا بنى عروسه م المدينه
و احنا فلاحين مش هيرضو بِينا
و انت عاوز يابني ترضينا
ـــــــــــــــــــــــــــــــــــــــــــ
طب أنا جاي ف معادى
يا نخله في هذا الوادي
يا بيتي يا وطني يا بلادي
هاخدك بالأحضان
و اروى قلبي العطشان
و انام على رجلك زي زمان
عشان اشعر يا حياتي بالأمان
يا أمي يا أغلى الأوطان

 67 total views,  3 views today

اترك تعليق

يرجي التسجيل لترك تعليقك

شكرا للتعليق