أحمد محمود عوض سعيد مؤسسة قادح زناد الحروف (( فرع الشعر)) 😊صرخه عانس 😊

27

بعد الربيع ما انتهي واتعرت اغصاني والجذع يامه انحني ايه بملكه تاني كل الصبايا الا انا اتهنوا من كام سنه وانا براني الضنا من كتر احزاني
سنه وراها سنه وانا يامه بستني بحلم بتوب الفرح وبنقشه الحنه.. كان نفسي اشيل التاج فوق راسي والطرحه واسمع غني الاحباب مع رشه الملحه والنور علي سطحنا يرقص من الفرحه لكن بايدكوا انكتب لا ارتاح ولا اتهنا…
شوفي يامه ايه جرالي ولسه باقي مني ايه دالي راح من عمري غالي احلي عمر كان لي فيه لا حبيب بيدق بابي ا ولا قريب بير حم عذابي فيه امل عاد ليا باقي بيحايلني اصبر عليه…..
مين هيرضى يدق بابنا
والمطامع مستحيلة..
والتعالي سد بينا..
والأيادي مالها حيلة..
لحد أمتى المال ميزانا..
وننسي شرع ألله ودينا..
نبيع حياتنا لناس تهينا..
لجل مال أو اسم عيلة..
زرعتوا الشوك وأنا جنيته..
ليالي دوبت عمري..
لا فرح في مرة حسيته..
ولا بإديه كان أمري..
جناية إنني أنثى..
ما بين الوأد والجرسي..
أعيش تايهه مالي مرسى..
قولولي ازاي يا ناس أنسى..
رفعتها شكوتي لربي..
أحمد محمود عوض سعيد
الرحامنة / فارسكور / دمياط

 57 total views,  1 views today

اترك تعليق

يرجي التسجيل لترك تعليقك

شكرا للتعليق