أحمد محمود عوض سعيد لكل مصري..

27

ايدى فى ايدك نبتدى
والله يعنا
ووعى الدعاوى المغرضه
تفرق ما بينا
عزمك معايا وهمتك
علشان بلدنا وامتك
لجل الحبيبه اللى ادتك
نجعلها جنه
===============
امل الاعادى نفترق
ويزيد خصامنا
وبنار فراقنا نحترق
احنا ووطنا
اصحى يامصرى لخطوتك
شوف رايحه فين
واحفظ معانى امتك
انت الامين
وامسك بايدك دفتك
ووعاك تلين
الحق هو حجتك
والعد ل بينا
==================
ايدى فى ايدك سوا
مش وقت لوم وخصام
معدشى ثانيه فضى
تصحى جروح والام
خلينا نرسم كل خطوه لبكره
وندى فرصه لكل راى وفكره
واللى مضى
يفضل لنا عبره
نعبر عليها للامان بسلام
===================
قبل ما تقول ليه ايه
او تفكر فى اللى ليك
بص قبله لمصر شوف
فين حقوقها اللى عليك
هى باقيه وانت فانى
هى اول هى تانى
هى واحه لكل بانى
عشت فيها وعايشه فيك
أي مصري فوق ترابها
يبقي أبني أو اخوياا
وإن كبر في السن عني
يبقي عمي أو ابوياا
مهما شرق
مهما غرب
مهما بعد
مهما قرب
إبن عيسي أو محمد
أمه أمي
وأبوه أبوياا

 70 total views,  1 views today

اترك تعليق

يرجي التسجيل لترك تعليقك

شكرا للتعليق