أحمد محمود عوض سعيد العمر…

23

========
العمر يوم ورا يوم
بيجري وبيعدي
رهوان بيسابق الريح
لابيصبر ولا يهدي
واحنا في غفله ونوم
لا بنصحي ولا بندري
حلم الإله غرنا
والغي بيردي
ياخوفي م الطوفان
أن حل إيه يجدي
===========
نصدق الأيام
لو هي ضحكلنا
ونظنها أفراح
هتدوم لنا وتدي
وتغرناالأجال
وشباب بيتعافا
وننسي بكره حساب
والكل هيأدي
علي الصراط هنسير
تسبقنا أعمالنا
والشاطر اللي حسب
لليوم دا ويعدي
===========
لاسألنا روحنا في يوم
إيه آخرة الغفلان
ولابكره إيه هيكون
لو عشنا في التوهان
تسحبنا نفس حرون
وخديعه م الشيطان
ونصحي نلقي حصاد
لا يفيد ولا يجدي
===========
هتقول لربك إيه
حتي إن ماكنش حساب
ولا فيه صراط وميزان
ولا فيه جحيم وعذاب
مهتستحيش م اللقا
ومنين تلاقي جواب
وأنت المشوق لحبيب
وفتح لك الأبواب
ساق لك جميع النعم
واحترت في الأسباب
لاشكرت له نعمته
ولا م الذنوب تواب
ولا سعيت للرضا
ولا بالندم تبدي

 49 total views,  1 views today

اترك تعليق

يرجي التسجيل لترك تعليقك

شكرا للتعليق